Stembridge English School

បច្ចេកទេសចងចាំ បង្កើនប្រសិទ្ធភាពរៀន

បច្ចេកទេសចងចាំត្រូវបានគេយកមកអនុវត្តប្រើប្រាស់ជាលក្ខណៈប្រកួតប្រជែងផ្លូវការ ជាលក្ខណៈអន្តរជាតិក្នុងឆ្នាំ 1991។ នៅក្នុងឆ្នាំនោះ អ្នកដែលបានទទួលពានរង្វាន់លេខ 1 គឺលោក Dominic O'Brien។ គាត់បានទទួលពានរង្វាន់ ជាជើងឯក ផ្នែកកីឡាចងចាំ លក្ខណៈពិភពលោក 8 ជំនាន់។ ទាំងអស់គ្នាប្រហែលជាគិតថាគាត់ប្រាកដជាមានខួរក្បាលយ៉ាងពិសិដ្ឋក្នុងការចងចាំ។ តាមពិតទៅ ក្រោយទទួលពាន 8 ជំនាន់ហើយ លោកក៏បំបែកក្បួនចងចាំនេះ សរសេរជាសៀវភៅ បោះពុម្ពចែកចំណេះដឹង ដែលគាត់បានចេះ ផ្សព្វផ្សាយជាសកល។ ក្រោយពីអ្នកជំនាន់ក្រោយបានចេះនូវបច្ចេកទេសចងចាំនេះ ពួកគាត់បានដណ្ដើមយកពានជើងឯកពីលោក Dominic O'Brien។ នេះគឺមិនមែនដោយសារតែលោកDominic O'Brien ខ្សោយជាងមុននោះទេ តែគឺដោយសារ បច្ចេកទេសនៃការចងចាំនេះ ជាបច្ចេកទេស ដែលយើងគ្រប់គ្នាអាចរៀនបាន ហើយអ្នកដែលទទួលបានលទ្ធផលនោះ គឺជាអ្នកដែលបានប្រឹងប្រែងហ្វឹកហាត់ច្រើនជាងគេ។ អ្វីដែលអ្នកទាំងអស់គ្នានឹងរៀននៅក្នុងសៀវភៅនេះ គឺជាការប្រមូលផ្តុំនូវបច្ចេកទេសចងចាំទាំងឡាយ រាប់ចាប់ពីលោក Arthur Bornstein, Harry Lorayne, Tony Buzan, និង Dominic O'Brien រួមទាំងបច្ចេកទេសចងចាំដែលគេបានអភិវឌ្ឍចុងក្រោយបង្អស់ ដែលមានឈ្មោះថា P.A.O. ផងដែរ។ មិនត្រឹមតែប៉ុណ្ណោះខ្ញុំបានមកបញ្ចូលជាមួយនឹងបទពិសោធន៍ក្នុងការបង្រៀនសិស្សជាច្រើនរយនាក់ និងមតិដែលពួកគាត់បានផ្ដល់ឱ្យនៅក្នុងមេរៀនបច្ចេកទេសចងចាំនេះ។ ទោះបីជា អ្នកទាំងអស់គ្នា អាចប្រើប្រាស់បច្ចេកទេសចងចាំនេះ ដើម្បីអភិវឌ្ឍន៍ខ្លួន ចូលប្រកួតប្រជែងជាលក្ខណៈពិភពលោកក៏ដោយ ក៏គោលដៅសំខាន់នៅក្នុងការរៀន មេរៀននេះ គឺផ្តោតសំខាន់ទៅលើការប្រើប្រាស់បច្ចេកទេសទាំងអស់នេះ ដើម្បីបង្កើនប្រសិទ្ធភាពរៀន និងបង្កើនសមត្ថភាពខួរក្បាល ដើម្បីត្រៀមខ្លួនស្រូបយកចំនេះដឹងដ៍ច្រើនអនេក ក្នុងសម័យពត៌មានវិជ្ជានេះ ជាជាងការប្រកួតប្រជែង។ ម្យ៉ាងវិញទៀត ដើម្បីឲ្យក្លាយខ្លួនជាកីឡាករផ្នែកបច្ចេកទេសចងចាំនេះ ទាមទារឲ្យអ្នកទាំងអស់គ្នា រៀនសូត្រ និងអនុវត្តវាយ៉ាងពេញម៉ោង និងខ្ជាប់ខ្ជួនជារៀងរាល់ថ្ងៃ ដែលអាចធ្វើទៅបានសម្រាប់តែអ្នកអាជីពតែប៉ុណ្ណោះ។ ដូច្នេះសូមអ្នកទាំងអស់គ្នាកុំបារម្ភថា អ្នកទាំងអស់គ្នានឹងគ្មានពេលក្នុងការរៀនសូត្រនូវបច្ចេកទេសទាំងអស់នេះ ព្រោះខ្ញុំមិនបានទាមទារឲ្យអ្នកទាំងអស់គ្នារៀនវាពេញម៉ោងដើម្បីក្លាយជាកីឡាករចងចាំលក្ខណៈពិភពលោកនោះទេ តែខ្ញុំទាមទារឲ្យអ្នកទាំងអស់គ្នារៀនពីវា ហើយយកវាមកអនុវត្តជាប្រចាំ នៅក្នុងការរៀនសូត្រមុខជំនាញរបស់អ្នកទាំងអស់គ្នា ក៏ដូចជាយកវាមកអនុវត្ត ដើម្បីបង្កើនសមត្ថភាពខួរក្បាលរបស់ខ្លួនឯង។

មេរៀនវីដេអូទាំងអស់ខាងក្រោម

បច្ចេកទេសចងចាំ បង្កើនប្រសិទ្ធភាពរៀន

$49.00

ប្រែខ្លួនពីមិនទាន់ចេះសោះ ទៅជាអ្នកបុិនប្រសព្វភាសាអង់គ្លេស

$49

កម្រិតមូលដ្ឋាន បច្ចេកទេសចងចាំ

Free

រៀនបង្កើតវីដេអូបែបអាជីពជាមួយ Camtasia

$35

Two Step